"მანჩესტერ იუნაიტედის" მთავარმა მწვრთნელმა ჟოზე მოურინიომ ჟურნალისტების მიერ დასმულ შეკითხვას თავი აარიდა და არ ისურვა იმის თქმა, კმაყოფილი არის თუ არა ედ ვუდვორდის მიერ ფორმირებული შემადგენლობით.
მთელი ზაფხულის განმავლობაში მოურინიო უჩიოდა ახალწვეულთა ნაკლებობას "ოლდ ტრაფორდზე", რაზეც პასუხს აღმასრულებელი დირექტორი ვუდვორდი აგებს. ჟოზეს თქმით, მან ჯერ კიდევ შემოდგომაზე გადასცა სასურველ ფეხბურთელთა სია ხელმძღვანელობას, მაგრამ მათ მისი სურვილი ვერ დააკმაყოფილეს.
"ტოტენჰემთან" მატჩის წინ კი ჟურნალისტები დაინტერესდნენ, კმაყოფილი იყო თუ არა მოურინიო "იუნაიტედის" ამჟამინდელი შემადგენლობით, რაზეც პასუხის გაცემის ნაცვლად ჟურნალისტთა კრიტიკას მოჰყვა.
"ამ შეკითხვაზე პასუხის გაცემა არ მჭირდება, რადგან ისედაც ყველაფერი იცით. მთელი კვირა ლაპარაკობთ იმაზე, თუ რა ხდება კულისებს მიღმა ჩვენს თავს, შემდეგ კი ასეთ შეკითხვას მისვამთ. ძალიან უცნაური ლოგიკაა", - განაცხადა მოურინიომ.
ინტერვიუები
2 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.