ჟოზე მოურინიოს პრესკონფერენცია.
"იუნაიტედის" მთავარმა მწვრთნელმა ჟოზე მოურინიომ პრესკონფერენცია გამართა და ჟურნალისტების დასმულ შეკითხვებს უპასუხა.
ჟოზე, მატიჩი და ვალენსია ვარჯიშს დაუბრუნდნენ, ასევე შეიძლება სანჩესიც ხელმისაწვდომი იყოს, მიიღებენ ისინი მონაწილეობას მატჩში?
ჯერ არ ვიცი. დღეს პარასკევია, წინ კიდევ ვარჯიშები გვაქვს ჩასატარებელი შაბათს და კვირას. დიახ, ისინი ვარჯიშობენ გუნდთან ერთად, ასევე დალოტიც შეურთდა გუნდს ამ კვირაში.
რამდენად მძიმე იყო ეს კვირა, "ბრაიტონთან" დამარცხების შემდეგ?ყოველთვის მძიმეა წაგება, განსაკუთრებით მათთვის, ვინც პროფესიონალია და ცხოვრობს თავისი სამუშაოთი, მაგრამ ჩვენ უნდა ვიფიქროთ შემდეგ თამაშზე. ყოველთვის ამას აკეთებ, რათა გაიმარჯვო. წინ მიდიხარ და კონცენტრირდები ახალ მატჩზე და როცა აგებ, უფრო ინტენსიურ მუშაობას იწყებ.
ბევრი რამ დაიწერა თქვენსა და ედ ვუდვორდს შორის ურთიერთობაზე...დიახ, მაგრამ შეგიძლიათ მე არ მკითხოთ, მე გაზეთებს არ ვკითხულობ. იმის ათი პროცენტიც არ ვიცი, რაც იწერება, რასაც ტელევიზორით აცხადებენ. ასე რომ მე არ ვარ ის ადამიანი, რომელიც თქვენ გჭირდებათ.
არ გეჩვენებათ, რომ ზედმეტად გადაჭარბებული რეაქცია მოყვა მარცხს მეორე ტურში?თქვენ პესიმისტები ხართ, მე არა.
ედ ვუდვორდთან ურთიერთობა წესრიგშია?რა თქმა უნდა.
არანაირი პრობლემა?არა.
ჟოზე, პოგბამ თქვა, რომ თამაშისადმი დამოკიდებულება არ იყო საჭირო დონეზე. თქვენ რას გრძნობთ, როგორც მწვრთნელი, როცა თქვენი ფეხბურთელი ერთ კვირას შეუდარებელ თამაშს აჩვენებს, ხოლო შემდეგ კვირას ყველაფერი სხვაგვარად ხდება?
პოლმა თქვა ეს სიტყვები და მან უნდა გაგცეთ პასუხი. თუ თქვენ რამის ახსნას ითხოვთ, მიმართეთ მას.
რას ფიქრობთ თამაშის ხარისხზე ამ სეზონში?"ლესტერის" წინააღმდეგ კარგად ვითამაშეთ და მოვიგეთ, "ბრაიტონთან" ცუდად ვითამაშეთ და წავაგეთ.
და რის ნახვას იხილავდით თქვენ, თუნდაც "ტოტენჰემის" წინააღმდეგ თამაშში?მინდა, რომ კარგად ვითამაშოთ და მოვიგოთ.
რა უნდა გაკეთდეს "ბრაიტონთან" მატჩის შემდეგ, რომ ყველაფერი სწორი მიმართულებით წავიდეს?კარგად უნდა ვითამაშოთ, მოვიგოთ, არ დავუშვათ შეცდომები - სულ ესაა, რაც ჩვენ გვინდა.
ჟოზე, ერიკ ბაიი და ვიქტორ ლინდელოფი პროგრესირებენ ისე, როგორც თქვენ იმედოვნებდით?თქვენთან არ ვაპირებ ჩემი ფეხბურთელების თამაშის გაანალიზებას.
"სპურსთან" თამაში არასდროსაა მარტივი. როგორ ფიქრობთ კარგ დროს დაემთხვა მატჩი?ჩვენ გვიწევს 19 მოწინააღმდეგესთან თამაში ოლდ ტრაფორდზე და გასვლაზე, ყველასთან უნდა ითამაშო და წარმოდგენა არ მაქვს, რამდენად კარგი დროა ახლა "ტოტენჰემთან" სათამაშოდ. ისე მოხდა, რომ კალენდრის მიხედვით ახლა გვიწევს მათთან თამაში და ჩვენ ვითამაშებთ. შემდეგი მატჩი ოლდ ტრაფორდზე იქნება, მერე კი "ბარნლი" და "უოტფორდი" გასვლაზე, ეს ჩვენი კალენდარია. რა თქმა უნდა, იმ გუნდის წინაამღდეგ თამაში, რომელმაც წინა სეზონი ცხრილის სათავეში დაასრულა არაა ადვილი, ეს რთული მატჩია.
წყარო:
Carrick.ru