მადრიდის "რეალის" ყოფილმა მთავარმა მწვრთნელმა ზინედინ ზიდანმა, რომელიც ამჟამად უგუნდოდაა, შესაძლოა კარიერია "ნისლიან ალბიონზე" გააგრძელოს. სპეციალისტმა საკუთარი სურვილების შესახებ მეგობრებს ამცნო.
Daily Mail - ის ცნობით, ზიდანმა უკვე შეატყობინა საკუთარ მეგობრებსა და ახლობლებს იმის შესახებ, რომ მზად არის ჩაიბაროს ინგლისის ყველაზე ტიტულოვანი კლუბი, თუნდაც მიმდინარე სეზონში და არა სეზონის დასასრულს.
თავის მხრივ "წითელი ეშმაკების" ხელმძღვანელობა აქტიურად განიხილავს ზინედინის კანდიდატურას. აღნიშნული წყარო ასევე იუწყება, რომ 46 - წლის ზიდანი არის, ნომერ პირველი კანდიდატურა იმ შემთხვევაში, თუ ჟოზე მოურინიოს კლუბის დატოვება მოუწევს.
შეგახსენებთ, რომ ბოლო დროინდელი სიტუაციიდან გამომდინარე, პორტუგალიელ სპეციალისტს, წამყვანი სპორტული გამოცემები და საფეხბურთო ექსპერტები თანამდებობის დატოვებას უწინასწარმეტყველებენ. თუმცა გავრცელდა ცნობები იმის შესახებაც, რომ ხელმძღვანელობა მოურინიოს გათავისუფლებას მინიმუმ სეზონის დასრულებამდე არ გეგმავს.
სიახლეები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.