გარდა იმისა, რომ "მანჩესტერ იუნაიტედის" გულშემატკივრებმა სოციალურ ქსელში უკვე გამოთქვეს პროტესტი გუნდის მთავარი მწვრთნელის ჟოზე მოურინიოს მიმართ და მისი წასვლა მოითხოვეს, დღეს ვრცელდება ინფორმაციებიც იმის შესახებ, რომ ფანები გუნდის ხელმძღვანელობასაც დაუპირისპირდებიან.

The Sun - ის ცნობით, გულშემატკივრები მზად არიან აქციები გამართონ, მთავარი მოთხოვნა იქნება გუნდის აღმასრულებელი დირექტორის ედ ვუვორდის გადაყენება. აღნიშნული წყაროს ცნობით, მათ უკვე შეუკვეთეს თვითმფრინავი, რომელიც პრემიერ ლიგის მესამე ტურში, სადაც "იუნაიტედი" შინ "ტოტენჰემს" უმასპინძლებს, მოედანზე გადაიფრენს ბანერით ""ED OUT — LUHG" - რომელიც ასე ითარგმნება "ედ (ვუდვორდი) წადი, გვიყვარს "იუნაიტედი" გვძულს გლეიზერები".

ბოლოს მსგავსი აქციები ფანებმა 2014 წელს, მაშინდელი მთავარი მწვრთნელის დევიდ მოიესის წინააღმდეგ გამართეს.

ინგლისის ჩემპიონატის ორი ტურის შემდეგ "მანჩესტერ იუნაიტედს" 3 ქულა აქვს. შეგახსენებთ, რომ გამართული ორი შეხვედრიდან გულშემატკივრების უკმაყოფილება ორივეზე ვრცელდება. განსაკუთრებით ისინი "ბრაიტონთან" სენსაციურმა მარცხმა და ნაჩვენებ უსახურმა თამაშმა გააღიზიანა.

აქამდე ასევე გავრცელდა ინფორმაციები, რომ ჟოზე მოურინიო გუნდის შემადგენლობასთან განიხილავდა ამ სიტუაციას და ვითარების გამოსწორებას შეეცდება.