"მანჩესტერ იუნაიტდის" ფრანგმა შემტევმა ენტონი მარსიალმა, საკუთარი მომავლის შესახებ გადაწყვეტილება უკვე მიიღო. მოგეხსენებათ, ზოგიერთი გამოცემების ცნობით, ფრანგი, პოლ პობასთან ერთად აქტიურად განიხილებოდა გუნდიდან წამსვლელთა სიაში, ამას ზედ ერთვოდა ის ფაქტი, რომ მოურინიოსა და ენტონის შორის არცთუისე კარგი ურთიერთობა იყო.

მას დიდი ხნის მანძილზე სურდა კლუბის დატოვება და სხვა რომელიმე გუნდში კარიერის გაგრძელება. თუმცა, როგორც ჩანს შემტევმა ამ ყველაფერზე ფიქრს წერტილი დაუსვა.

ახალგაზრდა ფეხბურთელი კლუბიდან წასვლას არ გეგმავს, ხოლო მისი მიზანი გუნდის ძირითად შემადგნლობაში ადგილის დამკვიდრება იქნება. იუწყება - The Sun.

შეგახსენებთ, რომ "მანჩესტერ იუნაიტედის" აღმასრულებელმა დირექტორმა ედ ვუდვორდმა მარსიალის გაყიდვა არ ისურვა, მიუხედავად იმისა, რომ ამის სურვილს გუნდის მთავარი მწვრთნელი ჟოზე მოურინიო გამოხატავდა, რომელიც მუდმივ უთანხმოებაში იმყოფებოდა მარსიალთან.