"ბრაიტონთან" სენსაციური მარცხის შემდეგ, თითქოს ყველა ელოდა, რომ პრესის ფურცლები აჭრელდებოდა იმ სტატიებით, რომელი სტატიებიც "მანჩესტერ იუნაიტდის" ბოსებსა და ამავე კლუბის მთავარ მწვრთნელ ჟოზე მოურინიოს შორის დაძაბულ ურთიერთობაზე იქნებოდა.

თუმცა ყველაფერი სხვაგვარად განვითარდა. ცნობილი გამოცემა The Guardian - წერს, რომ "ოლდ ტრაფორდელები" ჟოზეს მხარდაჭერას უცხადებენ და ხელმძღვანელობა სულაც არ ფიქრობს პორტუგალიელის ჩანაცვლებაზე, ყოველ შემთხვევაში ამ მომენტისთვის.

"გლეიზერების" ოჯახსა და კლუბის მმართველობას ესმის არსებული სიტუაცია და ამ ყველაფერს მიაწერს იმას, რომ მსოფლიო ჩემპიონატის შემდეგ, გუნდის შემადგენლობა არ არის ოპტიმალური.

გარდა ამისა ზემოხსენებული წყაროს ცნობით, მოურინიომ "ბოსები" საქმის კურსში ჩემპიონატის დაწყებამდეც ჩააყენა და განუცხადა შესაძლო პრობლემების შესახებ საწყის ტურებში.