"მანჩესტერ იუნაიტედის" 8 ნომერს, ხუან მატას 2018/19 წლის სეზონის მიწურულს კონტრაქტის ვადა უსრულდება და სავარაუდოა, რომ ესპანელი ფეხბურთელი თავის ყოფილ გუნდში "ვალენსიაში" დაბრუნდეს.
ესპანელი პლეიმეიკერი "წითელ ეშმაკებს" 2014 წლის, ზამთრის სატრანსფერო ფანჯარაზე შეუერთდა. მანჩესტერულმა გუნდმა, ლონდონის "ჩელსის" ხუან მატას სანაცვლოდ 40 მილიონი ფუნტის გადახდა მოუწია. ესპანელმა ფეხბურთელმა "იუნაიტედში" ყოფნის დროს ჯერ-ჯერობით 4 ტიტულის მოპოვება შეძლო: ევროპა ლიგა, ინგლისის სუპერ თასი, ინგლისის ლიგის თასი და ინგლისის FA თასი.
ხუანის ამჟამანდელი სატრანსფერო ღირებულება 27 მილიონ ევროს შეადგენს, თუმცა მისი ყოფილი კლუბი მატას დამატებას უფასოდ შეეცდება. მისი სავარაუდო ხელფასი კვირაში 140.000 ფუნტი იქნება, თუმცა აქ საქმე თანხას არანაირად არ ეხება. "იუნაიტედის" გულშემატკივრებმა კარგად იციან ხუან მატას პიროვნულობა, იგი ძალიან აფასებს მის ამჟამანდელ და ყოფილ კლუბებსაც, ასე რომ მას "ვალენსიასადმი" სიმპათია არაერთხელ გამოუხატავს რაც უფრო ზრდის მატას ესპანეთში დაბრუნების შანსს.
"წითელი ეშმაკებიდან" უცნობი წყარო იტყობინება: "რათქმაუნდა ცნობილია რომ "ვალენსიას" მატასადმი დიდი ინტერესი აქვს. ამ ორს ერთმანეთთან ძლიერი კავშირი აქვს.
ჩვენ ვიცნობთ მატას და ვიცით რომ ის თანხაზე არ ფიქრობს, ის უბრალოდ მის ემოციებს მიჰყვება".
ხუანმა "ვალენსიასთან" ერთად 129 მატჩში მიიღო მონაწილეობა და "ღამურებს" Copa del Rey-ის ტიტულის მოგებაში დაეხმარა.