ჟოზე მოურინიო "ბრაიტონთან" გასამართი მატჩის წინა პრესკონფერენიცაზე პოლ პოგბას საკითხსაც შეეხო.
"მე მასთან [პოლ პოგბა] ერთად უკვე 2 წელია ვმუშაობ, ამ დროის მანძილზე არასდროს ვყოფილვარ მისით ისეთი კმაყოფილი, როგორც ახლა ვარ. ეს სიმართლეა. მე მას მეტს ვერაფერს მოვთხოვ. ის ჩამოვიდა ორშაბათს, 3 დღე ივარჯიშა. ვთხოვე რომ ჩვენთვის საკმაოდ რთულ და მნიშვნელოვან მატჩში მიეღო მონაწილეობა, მან ეს გააკეთა და ითამაშა იმაზე მეტი, ვიდრე ველოდი. როცა ის ამბობს მე ეს გავაკეთე გუნდისა და გულშემატკივრების გულისთვის, ზუსტად ისაა, რაც მჭირდება.
ის რაც მან მატჩის შემდეგ თქვა, მე არ მეხება. ორი წელია ამ კლუბში ვარ და ამ დროის მანძილზე ერთადერთი ფეხბურთელი რომელიც დააჯარიმეს, ეს ანტონი მარსიალია. არც ისე ადვილია ამ კლუბში ჯარიმის მიღება. ასე რომ თვითონ მას ჰკითხეთ, რას გულისხმობდა. მასთან ამ საკითხზე არ მისაუბრია.
მე მინდა რომ მან კარგად ითამაშოს და გააკეთოს ეს კლუბისა და გულშემატკირების გულისთვის. ის წარმოუდგენლად კარგია ვარჯიშებზე და მინდა მის დასაცავად ვთქვა: შეგიძლიათ დაწეროთ მის შესახებ, ან ჩემ შესახებ რაც გინდათ, მაგრამ ნუ ავრცელებთ სიცრუეს. ნუ აჩვენებთ ხალხს, თითქოს ის უზრდელი და გაუნათლებელია. ის ძალიან ინტელექტუალური და თავაზიანი ადამიანია, ჩვენ არასდროს გვიჩხუბია. არასდროს ერთმანეთის მიმართ არ გამოგვიყენებია უხეში სიტყვები, ყველაფერი თავაზიანობის ფარგლებში, მე მასთან პრობლემა არასდროს მქონია.
რაც შეეხება კაპიტანს, მომავალ მატჩში ის კვლავ პოლ პოგბა იქნება, სანამ მოედანზე ანტონიო ვალენსია არ დაბრუნდება." - განაცხადა "მანჩესტერ იუნაიტედის" მთავარმა მწვრთნელმა.