სპორტული პრესის ფურცლები კვლავ აჭრელდა ინფორმაციებით, რომ თითქოს "მანჩესტერ იუნაიტედის" ორ ფიგურას, ჟოზე მოურინიოსა და პოლ პოგბას, კვლავ დაძაბული ურთიერთობა აქვთ, რის გამოც ფეხბურთელს კლუბის შეცვლა სურს.
განსხვავებულია კლუბის მესვეურების პოზიციები. მათ გადაწყვეტილება უკვე მიღებული აქვთ და პოგბას დათმობას ისინი არ აპირებენ. მოგეხსენებათ კატალონიის "ბარსელონა" შეთავაზებას უკვე ამზადებს. ზოგიერთი გამოცემის ცნობით საქმეში მადრიდის "რეალიც" ჩაერთო.
თუმცა ედ ვუდვორდი გეგმავს, რომ ყველა შეთავაზება დაბლოკოს და ფრანგი ნახევარმცველი გუნდში დატოვოს. მიუხედავად იმისა, რომ სიტუაცია მწვრთნელსა და მოთამაშეს შორის ჯერ კიდევ ვერ დალაგებულა. - იუწყება The Sun.
შეგახსენებთ, რომ პოგბასა და მოურინიოს შორის კიდე ერთი ახალი კონფლიქტი, ფრანგის მიერ გაკეთებულ კომენტარებს მოჰყვა, სადაც ის ამბობს, რომ გუნდში არსებულ მდგომარეობაზე ვერ ისაუბრებს რადგან კლუბი მას დააჯარიმებს.