თურქული პრესის ცნობით, მათი ქვეყნის გრანდმა "ფენერბახჩემ" მარკოს როხოს მოკლე ვადით თურქეთში გადაბარგება შესთავაზა.
არგენტინელმა მცველმა იერი მინას "ევერტონში" წასვლის შემდეგ ცხადად დაინახა რომ ლივერპულში მისი გადაბარგება აღარ მოხდებოდა. როხოს "იუნაიტედი" დიდი ალბათობით საშუალებას მისცემდა ეს სეზონი კვლავ ინგლისში გაეტარებინა, თუმცა თურქული გამოცემა Fanatik-ი გვამცნობს რომ კლუბებს შორის მოლაპარაკება იჯარის თაობაზე მაინც მიმდინარეობს.
როხო "ეშმაკებმა" ოთხი წლის წინ იყიდეს პორტუგალიური "სპორტინგიდან" €16 მილიონად. გასულ სეზონში მცველმა ყველა გათამაშების ეგიდით მხოლოდ 12 ჯერ გაისარჯა და ერთი საგოლე გადაცემაც მიითვალა, თუმცა გოლის შეგდება ვერ მოახერხა.