როგორც, ჩანს "წითელი ეშმაკების" გულშემატკივრებს, პორტუგალიელი სპეციალისტის შეცვლა სურთ. ფანებს რამოდენიმე კანდიდატი ჰყავთ და მათ შორის მთავარი ფავორიტი სწორედ ზინედინ ზიდანია. გარდა ზიდანისა ფანებს პოჩეტინოც სურთ. სავარაუდოდ "იუნაიტედი" ჟოზეს 1 სეზონს მაინც აცდის და თუ ეს სეზონიც წარუმატებელი იქნება, ზიდანი გუნდში მოვა.
ჟოზე მოურინიო გუნდში 2016 წელს მივიდა. მან გუნდთან ერთად მხოლოდ ევროპა ლიგის მოგება შეძლო. წინა სეზონში კი გუნდმა პრემიერლიგაში მეორე ადგილი დაიკავა. საბოლოო ჯამში ცუდი შედეგი არ არის, მაგრამ "იუნაიტედის" თამაშის ყურება, მაინც არასახარბიელოა.
რაც შეეხება ზინედინ ზიდანს, იგი ჯერჯერობით უკლუბოდაა. ზინედინი მადრიდის "რეალის" სპეციალისტი იყო 2016 - 2018 - წლებში.
ფრანგმა, მიუხედავად იმისა, რომ ესპანურ გრანდში მხოლოდ და მხოლოდ 2 წელი დაჰყო, შეძლო და კლუბს ამ ხნის განმავლობაში ჩემპიონთა ლიგა ზედიზედ 3 - ჯერ მოაგებინა, ხოლო რაც შეეხება ლა ლიგას, ზიდანმა რეალის გულშემატკივრები ამ მხრივ ერთხელ გახარა.