პრესას თითქმის უკვე ტრადიციად ექცა, "მანჩესტერ იუნაიტედის" მთავარ მწვრთნელ ჟოზე მოურინიოსა და ამავე გუნდის ფეხბურთელს პოლ პოგბას შორის დაპირისპირების შესახებ თხრობა. საგად ქცეული დაპირისპირება გასულ სეზონში დაიწყო და გამოცემების ცნობით ის ამ წუთამდეც გრძელდება.

The Sun - ის ცნობით ფრანგი და პორტუგალიელი საერთო ენის გამონახვას კვლავ ვერ ახერხებენ და მათ შორის მორიგ უთანხმოებმაც მოიკიდა ფეხი. რამოდენიმე დღის უკან პოგბამ ჟურნალისტებისთვის მიცემულ ინტერვიუში განაცხადა, რომ ყველაფერს ვერ იტყოდა იმისდა გამო, რომ კლუბი მას დააჯარიმებდა.

უცილობლად ეს კომენტარი მიანიშნებდა იმაზე, რომ ფეხბურთელი გუნდში ბედნიერი ჯერ კიდევ ვერ არის. სწორედ ამ კომენტარის გამო მოურინიომ პოგბას მოუწოდა, რომ მორიდებოდა მსგავსი კომენტარების კეთებას ღია პრესისთვის და კლუბის მიმართ უკმაყოფილების გამოხატვას.

აღნიშნული პრესის ცნობით პოგბამ ჟოზესთან საუბარი არ ისურვა და მასთან კონტაქტში, მხოლოდ საკუთარი აგენტის მინო რაიოლას მეშვეობით აპირებს შესვლას. კიდევ ერთი კომფლიქტის გამო, გავრცელდა ჭორები, რომ პოგბა "იუნაიტედს" დატოვებს.


წყარო: ukrainefootball.net