მადრიდის "ატლეტიკოს" ცენტრალურმა მცველმა განაცხადა, რომ "მანჩესტერ იუნაიტედისგან"გამოჩენილი ინტერესი ახალი კონტრაქტის მისაღებად არ გამოუყენებია.

გოდინმა განაცხადა რომ "იუნაიტედს" უარი პირადი მიზეზების გამო უთხრა და მადრიდელებთან კონტრაქტი ჯერაც არ გაუხანგრძლივებია.

მიმდინარე სატრასფერო ფანჯრის მიწურულს "წითელი ეშმაკები" ურუგვაელის შეძენით დაინტერესედნენ და მის აგენტთან მოლაპარაკებებიც დაიწყეს, თუმცა გოდინმა მანჩესტერში გადასვლაზე უარი განაცხადა. ამის შემდეგ კლუბის ხელმძღვანელობას სჯეროდა რომ მცველის მხრიდან "იუნაიტედის" ინტერესის განხილვის და შემდგომ უარის თქმის მთავარი მიზანი "ატლეტიკოსგან" ახალი გაუმჯობესებული კონტრაქტის მიღება იყო.

თუმცა ოთხშაბათს გასამართი სუპერ თასის საფინალო მატჩის წინ, ურუგვაელმა ზემოთხსენებული ფაქტი უარყო: " ამ ზაფხულს მქონდა შემოთავაზებები სხვადასხვა კლუბებისგან, მაგრამ პირადი მიზეზების გამო დარჩენა გადავწყვიტე და ახლა მხოლოდ ფინალზე ვფიქრობ. კონტრაქტი ჯერ არ გამიახლებია და არ ვიცი ეს ჭორები საიდან მოდის". - განაცხადა გოდინმა.

გოდინი "ატლეტიკოს" 2010 წელს შეუერთდა, მოიგო ესპანეთის პრიმერა დივიზიონი და ორჯერ ითამაშა ჩემპიონთა ლიგის ფინალში.