"მანჩესტერ იუნაიტედის" ყოფილმა ფეხბურთელმა და ამჟამად ინგლისური Sky Sports - ის ექსპერტმა გარი ნევილმა, კიდევ ერთხელ ხმამაღლა გააცხადა იმ შეგრძნებების შესახებ, რასაც ჟოზე მოურინიოს "იუნაიტედის" თამაშიდან იღებს და მას კიდევ ერთხელ აკრიტიკებს.
"აიაქსი", "მანჩესტერ იუნაიტედი" და "ბარსელონა" ყოველთვის იყო იმ ევროპული გუნდების ძირითადი სამეული, რომელთაც მათ საკუთარი თამაშის სტილით განასხვავებდით სხვა გუნდებისგან. "იუნაიტედი" ყოველთვის თამაშობდა 4-4-1-1, 4-4-2, სათამაშო სტრატეგიებით, ეს სქემა კი კლუბის ფესვებში უკვე ღმადაა გადგმული. არ შეცვალოთ ის, არ არის საჭირო ნაჩქარევი გადაწყვეტილებების მიღება მოკლევადიანი შედეგების მისაღწევად.
გულშემატკივრები უკმაყოფილონი არიან. "იუნაიტედის" ხელმძღვანელობამ მიიღო შემდეგნაირი გადაწყვეტილება: გამომდინარე იქიდან, რომ უკმაყოფილებების გამო გულშემატკივრები გუნდის ტრიბუნებს არ ავსებდნენ, ხელმძღვანელობის აზრით საჭირო იყო გუნდში მოსულიყო ჟოზე მოურინიო, რომელსაც მოსწონს ძლიერი, გაბარიტული ფეხბურთელები. მან შეიძინა: ლუკაკუ, მატიჩი, ფრედი, ბაიი, რომლებიც მის სათამაშო სტილს შეეფერებიან.
მაგალითათ მოვიყვანოთ მაურისიო პოჩეტინო, მისი არჩევანი კეთდება მშიერ ფეხბურთელებზე, რომელთა ასაკიც 23 - 24 წელია, მას უყვარს, რომ ფეხბურთელებს წინსვლას ასწავლის, ათამაშებს მაღალ ტემპში, ასწავლის მათ თუ როგორ უნდა შეძლონ კარგი პრესინგი. რამდენ ფეხბურთელს ხედავთ "იუნაიტედის" შემადგენლობაში ვინც უკმაყოფილება ამ ყველაფრის მიმართ უკვე გამოხატა? ხოლო შედარებისთვის რამდენს ხედავთ "ტოტენჰემის" მხრიდან? მოურნიო კმაყოფილია ღრმა თავდაცვით, რომელიც მოითხოვს ფიზიკურად ძლიერ ფეხბურთელებს. როგორც "იუნაიტედის" გულშემატკივარმა შემიძლია გითხრათ, რომ ამ ყველაფრის ყურება ჩემთვის მტკივნეულია". - ციტირებს Manchester Evening News - ნევილის სიტყვებს.