"მანჩესტერ იუნაიტედში" დარწმუნებულნი არიან, რომ სულ მალე დევიდ დეხეა ახალ გრძელვადიან კონტრაქტს მოაწერს ხელს.- აცხადებს BBC.

27 წლის ესპანელს მიმდინარე კონტრაქტი 2019 წელს ეწურება, მართალია "იუნაიტედს" აქვს შესაძლებლობა 1 წლით ავტომატურად გაახანგრძლივოს თანამშრომლობა, მაგრამ კლუბს სურს დე დეხეას ახალი გრძელვადიანი კონტრაქტი შესთავაზოს.

როგორც ჩანს ლონდონის "ჩელსიდან" მადრიდის "რეალში" ბელგიელი კიპერის ტიბო კურტუას გადაბარგებამ, საბოლოოდ დაუსვა წერტილი დე ხეას ესპანეთში სავარაუდო გადაბარგების ისტორიას, ასე რომ მხარეებს არაფერი უშლის ხელს რათა ახალი გრძელვადიანი კონტრაქტი გააფორმონ.

შეგახსენებთ რომ ესპანელი კიპერი "მანჩესტერ იუნაიტედში" 2011 წელს 18,9 მლნ ფუნტის სანაცვლოდ "ატლეტიკოდან" გადავიდა. დევიდი 4-ჯერ გახდა კლუბის საუკეთესო ფეხბურთელი, ხოლო შარშან პრემიერ ლიგის საუკეთესო მეკარის პრიზიც მოიპოვა.