"მანჩესტერ იუნაიტედის" ორ ფეხბურთელს, კერძოდ ანდერ ერერასა და ხუან მატას გუნდთან ხელშეკრულება 2019 წლის ზაფხულში ეწურებათ რაც ნიშნავს იმას, რომ ახალი კონტრაქტის გაუფორმებლობის შემთხვევაში, გუნდს მათი გაშვება მომავალ წელს თავისუფალი აგენტის სტატუსით მოუწევს.
ვუდვორდის ბანაკში კი ესპანელების გაშვება არ სურთ და მათ ახალ კონტრაქტებს შესთავაზებენ. Daily Star - ის ცნობით, მატასა და ერერას კონტრაქტებში არსებული პუნქტები გააქტიურდება და ერთი წლით გახანგრძლივების პერსპექტივა მოქმედებაში იქნება ფეხბურთელების თანხმობის შემთხვევაში.
ამავე დროს ხუან მატას და ანდერ ერერას სურთ, რომ ხელმძღვანელობას და გუნდის სამწვრთნელო შტაბს დაუმტკიცონ, რომ მათ არათუ მოკლევადიანი არამედ გრძელვადიანი ხელშეკრულებები სურთ.
ხუან მატა ინგლისურმა გრანდმა 2014 წელს ლონდონის "ჩელსი" - დან შეიძინა, ხოლო რაც შეეხება ბასკ ფეხბურთელს ანდერ ერერას ის კლუბში ასევე 2014 წელს ჩაირიცხა ესპანური ბილბაოს "ატლეტიკი" - დან.