მარკოს როხომ შესაძლოა თვის ბოლომდე მაინც დატოვოს "მანჩესტერ იუნაიტედი". - თურქული გაზეთის Fanatik-ის ინფრომაციით "ფენერბახჩეს" წარმომადგენლებს იმედი აქვთ, რომ თვის ბოლომდე მოასწრებენ არგენტინელის არენდით აყვანას.

გასულ სეზონში 28 წლის მცველმა ყველა ტურნირზე ტრავმების გამო სულ რაღაც 12 მატჩის თამაში შეძლო. ამჟამადაც მცველი ტრავმის შემდგომი რეაბილიტაციის კურსს გადის.

იმის გათვალისწინებით რომ "იუნაიტედს" არ სჩვევია პირველი გუნდის ფეხბურთელების არენდით გაშვება, შესაძლოა როხო აგვისტოს შემდგომაც გუნდში დარჩეს.

თუ არგენტინელი გუნდში დარჩება, მოუწევს იბრძოლოს ძირითადი შემადგენლობისთვის ერიკ ბაიის, ვიქტორ ლინდელოფის, კრის სმოლინგისა და ფილ ჯონსის წინააღმდეგ.