Daily Mail იტყობინება , რომ "იუნაიტედის" 22 წლის ფორვარდმა - ჯეიმს უილსონმა ამ კვირას "აბერდინში" სამედიცინო შემოწმება გაიარა.
გამოცემის ინფორმაციით უილსონი სელ ალექსის ყოფილ კლუბში არენდით გადავა, მაგრამ "იუნაიტედი" მისი ხელფასის ნაწილს მაინც გადაიხდის, რომელიც კვირაში 30 000 ფუნტს შეადგენს.
ახალგაზრდა ფორვარდისთვის ეს უკვე მეოთხე არენდა იქნება- აქამდე ჯეიმსი 3 გუნდში: "ბრაიტონში", "დერბიში" და "შეფილდ იუნაიტედში" ასპარეზობდა.
უილსონს დებიუტი პირველ გუნდში რაიან გიგზის მწვრთნელობის დროს - 2014 წლის მაისში ჰქონდა "ჰალის" წინააღმდეგ, სადაც დუბლი შეასრულა. 2014-2015 წლის სეზონში მან 12 მატჩი ითამაშა და 2 ბურთიც შეაგდო, თუმცა შემდეგ არენდით დატოვა კლუბი. 2016 წელს უილსონმა მძიმე ტრავმა მიიღო, რის გამოც თითქმის მთელი სეზონი გაუცდა.
2015 წელს უილსონმა "იუნაიტედთან" ახალ კონტრაქტს მოაწერა ხელი, რომელსაც ვადა 2019 წლის ივნისში გასდის.
ახალი ამბები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.