როდესაც ყველას მოეჩვენა რომ პოგბასა და კლუბს შორის არსებული სიტუაცია დასტაბილურდა, "ლესტერთან" მატჩის შემდეგ ფრანგმა უცნაური კომენტარი გააკეთა.
"მელიებთან" წარმატებული თამაშის, გატანილი გოლის, კაპიტნის სამკლაურისა და მის მიერ წარმოთქმული სიტყვების - " მზად ვარ ყველაფერი გავაკეთო კლუბისა და გულშმატკივრებისთვის" - შემდეგ პოგბამ განაცხადა, რომ ვერ ამბობს ყველაფერს რასაც ფიქრობს, რადგან წინააღმდეგ შემთხვევაში კლუბი მას დააჯარიმებს.
ჟურნალისტის დასმულ კითხვაზე - რას ნიშნავს იყო "ნამდვილი პოლ პოგბა" - ფრანგმა უპასუხა: "თქვენ უნდა გესმოდეთ ერთი რამ: როდესაც ფეხბურთელი ბედნიერია და მუდმივად თამაშობს ის თავს გაცილებით კომფორტულად გრძნობს, ვიდრე მაშინ როდესაც არაა ბედნიერი. სულ ეს არის რისი თქმაც შემიძლია".
"რა არის ჩემთვის ბედნიერება და კომფორტი ? თუ ბედნიერი არ ხარ შენს საუკეთესო თამაშს ვერ აჩვენებ."
"ბედნიერი ვარ თუ არა ახლა ? არის რაღაცეები რასაც ვერ ვიტყვი, იმიტომ რომ კლუბი დამაჯარიმებს".
კითხვაზე - შეიცვალა თუ არა მასში რამე მსოფლიო ჩემპიონატის მოგების შემდეგ, პოგბამ უპასუხა: " არა, მე ისევ ის ვარ. მე ისევ ის პოლ პოგბა ვარ. გასაგებია რომ ამჟამად სხვა გუნდში ვთამაშობ და არა ნაკრებში, მაგრამ მე ისევ ისე მიყვარს თამაში და ისევე ვცდილობ მივცე გუნდს ჩემი შესაძლებობის მაქსიმუმი. როგორც უკვე აღვნიშნე, როდესაც თავს კომფორტულად გრძნობ, როდესაც გრძნობ რომ გენდობიან, შენს თავში დარწმუნებული ხდები , ყველა ფიქრი რიგზე გაქვს და უფრო გიადვილდება შენი საქმის კეთება".
კაპიტნის სამკლაურზე საურისას პოგბამ თქვა: " მე ყოველთვის მიყვარდა ეს კლუბი, მე მისი აკადემიის აღზრდილი ვარ, მე აქ გავიზარდე და ახლა პირველ გუნდში ვთამაშობ. ჩემთვის ეს ოცნებაა რომელიც რეალობად იქცა".
ინტერვიუები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.