"ლესტერთან" მატჩის საუკეთესო ფეხბურთელად დასახელებული პოლ პოგბა ჟურნალისტებთან, გატანილ პენალზე, კაპიტნის სამკლაურზე და სამ ნახევარმცველიანი ტაქტიკის შესახებ საუბრობს, რომლითაც გუშინ ჟოზე მოურინიოს გუნდმა ინგლისის ჩემპიონატის გახსნით მატჩში "ოცნებების თეატრში" იასპარეზა.

"კაპიტნის სამკლაური ყოველთვის ძალიან დიდი პატივია ჩემტვის, ვინაიდან ამ სამკლაურს კლუბის ლეგენდარული ფეხბურთელები თავის დროზე ატარებდნენ. ეს რაღაც საოცარი გრძნობაა! დღეს წარმატების მიღწევა ამ შეხვედრაში ძალიან მნიშვნელოვანი იყო. პენალის გატანა შევძელი, მოხარული ვარ, მოხარული ვარ ასევე იმით, რომ სეზონი გამარჯვებით დავიწყეთ.

კაპიტნობა - ეს როლი არ არის, როლი რომელიც შენ უბრალოდ უნდა შეასრულო. ეს არ არის დამოკიდებული შენზე, არამედ ფეხბურთელებზე, შენ მეგობრებზე გუნდში, რის გამოც დიდი სიამაყით ატარებ ამ სამკლაურს. მაიკლ კერიკი მოვიდა ჩემთან და მითხრა, რომ მას სურდა ეს სამკლაური გამეკეთებინა, ეს ისტორია არ არის ჩემზე, მაგრამ არის იმაზე თუ რას ვაძლევ კლუბს, ხალხს, გულშემატკივრებს, ახალგაზრდა ბიჭებს ჩვენი აკადემიიდან.

მოზარდები შემხედავენ და დაიჯერებენ იმას, რომ საკუთარი შანსისთვის უნდა იბრძოლონ, მათ შეუძლიათ მოიპოვონ ეს შანსი. მინდა ყვლას ვუპასუხო კარგი თამაშით, მთელი ჩემი ძალისხმევით შევეცდები ამის გაკეთებას ჩემი გულშემატკივრებისა და თანაგუნდელებისთვის.

პენალი? ბოლოს როცა პენალი მოვიპოვეთ, მე ის ალექსის სანჩესს დავუთმე. ეს იყო მისი პირველი თამაში პრემიერ ლიგაში როცა შანსი ქონდა გაეტანა, მისთვის კი ძალიან მნიშვნელოვანი იყო გამოეყენებინა ის მომენტი. ჩემთვის არანაირ პრობლემას არ წარმოადგენს დავუთმო პენალი ჩემ მეგობარს. როდესაც ჩვენ ვიტანთ და ვიგებთ, მე უბრალოდ ძალიან ბედნიერი ვარ ამით.

რაც შეეხება სამ ნახევარმცველიან ტაქტიკას? ანდრეასმა წინასასეზონო ტურნე კარგად ჩაატარა, მე ვუყურ ყველა იმ მატჩს, ფრედიც შესანიშნავად შეუერთდა გუნდს და მოახაერხა საკუთარი თავის წარმოჩენა.

ვნახე, რომ ისინი მზად იყვნენ ყველაფრისთვის და შემიძლია გითხრათ, რომ ისინი 2 შესანიშნავი ნახევარმცველები არიან! ანდრეასი ჯერ კიდევ ახალგაზრდაა, მაგრამ მას ყველაფერი აქვს იმისთვის, რომ პრემიერ ლიგაში თავისი სათქმელი დაამტკიცოს. ეს იყო მისი პირველი თამაში, მაგრამ როგორც წესი, მოთამაშეებს ადაპტაციისთვის გარკვეული დრო მაინც სჭირდებათ, ეს ადვილი არ არის. ანდრეასმა კარგად ითამაშა და დიდი წვლილი შეიტანა ამ გამარჯვებაში". - განაცხადა დასასრულს პოლ პოგბამ.


წყარო: manutd.ru