პრემიერ ლიგის 2018-19 წლების სეზონის პირველ მატჩში "მანჩესტერ იუნაიტედმა" "ოლდ ტრაფორდზე" "ლესტერი" 2-1 დაამარცხა.

მატჩში პირველი გოლი მესამე წუთზე პოლ პოგბამ გაიტანა. ალექსის სანჩესის დარტყმული, მცველს ხელზე მოხვდა და შეხვედრის არბიტრმა მატჩის პირველივე წუთებზე თერთმეტმეტრიანი დანიშნა. პენალტის დარტყმა მოედანზე კაპიტნის სამკლაურით გამოსულმა ფრანგმა ითავა და ანგარიში გახსნა.

მოპოვებული გამარჯვების შემდეგ, "მანჩესტერ იუნაიტედის" თავკაცმა, ჟოზე მოურინიომ მატჩის შემდგომ ინტერვიუში პოლ პოგბაზე მცირე კომენტარი გააკეთა.

"ვფიქრობ, რომ პოგბა შესანიშნავად ასრულებს პენალტებს. მას მოსწონს პასუხისმგებლობა, ამიტომ ჩვენი პირველი არჩევანი ის არის. რა თქმა უნდა, მეორე და მესამე არჩევანიც გვყავს იმ შემთხვევისთვის, თუ ტრავმას მიიღებს ან რაიმე მიზეზის გამო არ მოინდომებს დარტყმას. შმეიხელი შესანიშნავია პენალტების მოგერიებიაში, მაგრამ ფრთები დასჭირდებოდა ამ დარტყმის მოსაგერიებლად" - განაცხადა პორტუგალიელმა.