ჟოზეს მატჩის შემდგომი პრესკონფერენცია ვრცლად.
პირველი სამი ქულის მოპოვების შემდეგ, ჟოზე მოურინიოს "მანჩესტერ იუნაიტედი" ცხრილის სათავეში მოექცა და დღეს უკვე სხვა გუნდების შედეგებს დაელოდება. მატჩის შემდეგ ტრადიციულად პორტუგალიელმა პრეს კონფერენცია გამართა რასაც სრულად შემოგთავაზებთ.
ჟოზე, დაგიტოვათ ამ შეხვედრამ პოზიტიური განწყობა?დიახ, ვფიქრობ დაგვიტოვა. ნებისმიერ შემთხვევაში უნდა ითქვას, რომ ეს იყო კარგი მატჩი, იმ გარემოებების გათვალისწინებით რაც ჩვენ გვქონდა წინასასეზონო ტურნეზე, მოთამაშეებს საჭირო იყო გამოევლინათ ის ხასიათი, რითაც მათ დღეს ამ შედეგს მიაღწიეს. რამოდენიმე მათგანმა თავი შესანიშნავად წარმოაჩინა, და რა თქმა უნდა ნათელი იყო იმ ფეხბურთელების მზაობა ვინც პრე - სეზონი თავიდან ბოლომდე გაიარეს, ვიდრე მათი ვინც ეს ვერ შეძლო. ლიუკ შოუ, ანდრეას პერეირა, ერიკ ბაიი, მატეო დარმიან - ამ ბიჭებმა უბრობლემოდ ითამაშეს მთელი 90 წუთი. რაც შეეხება დანარჩენ ფეხბურთელებს, ეს იყო ხასიათის გამოვლინება - მარკუს რეშფორდს ჰქონდა გარკვეული პრობლემები მაგრამ მან მაინც შეძლო და ითამაშა, პოგბა - ის საერთოდ მონსტრია, ჩვენ ვფიქრობდით, რომ მას ეყოფოდა 60 წუთი მოედანზე, თუმცა მან 80 წუთი გაატარა. ლუკაკუ და ფელაინიც მზად იყვნენ დახმარებოდნენ გუნდს. ბიჭებმა ხასიათი გამოავლინეს, და იყო მონაკვეთები როდესაც მათ კარგი ფეხბურთი აჩვენეს. იმ მომენტში როდესაც "ლესტერმა" გააძლიერა ზეწოლა, ჩვენ მათ ერთიანობა ვანახეთ. გამომდინარე აქედან ვფიქრობ, რომ ეს იყო კარგი გამარჯვება და კარგი სამი ქულა. ხვალ დილით ვარჯიში გვექნება, ხოლო კვირას ბიჭები ერთი დღით სრულიად დამსახურებულად დაისვენებენ.
რამდენად რთული იყო იმ გადაწყვეტილების მიღება, რომ პოლ პოგბა ძირითად შემადგენლობაში დაგეყენებინათ?აქ რთული არაფერი არ იყო, ყველაფერი მასზე იყო დამოკიდებული. მქონდა რამოდენიმე ვარიანტი - პერეირა "ვალენსიადან" დაბრუნდა, სადაც ის ვინგერის პოზიციაზე თამაშობდა, ხოლო მისი "ექვსიანის" პოზიციაზე დაყენება იყო გაბედული გადაწყვეტილება, თუმცა მან სრულიად გაართვა ამ ყველაფერს თავი და ფენომენალური მატჩი ჩაატარა. ფრედი მთელი 10 დღის განმავლობაში ვარჯიშობდა, ის უკრაინული ლიგიდან მოვიდა და საჭირო იყო ენახა ხალხით სავსე "ოლდ ტრაფორდი". ანდერ ერერა ტრავმირებული იყო, მქონდა - ორი ვარიანტი, პოლი და სკოტი, თუ მაკტომინის დაყენებას გადავწყვიტავდი, მოედნის ცენტრში მივიღებდი 2 ფეხბურთელს რომელთაგანაც ერთ ერთი ახალბედაა ხოლო მეორე მოზარდი ბიჭი. ამიტომ პოლს ვკითხე ითამაშებდა თუ არა ის, მან დაკისრებულ სამუშაოს თავი კარგად გაართვა.
შეიძლება თუ არა დარწმუნებით იმის თქმა, რომ ლიუკ შოუ, ამ მატჩის შემდეგ ბევრ შეხვედრას ჩაატარებს?ის ძალიან მიზანდასახული თამაშობდა, მაშინაც კი თუ არ გავითვალისწინებთ მის გოლს, რომელიც ძალიან მნიშვნელოვანი იყო ჩვენთვის, მთავარი იყო ის, რომ შოუ მიზანდასახულად თამაშობდა. მან მხოლოდ ერთი შეცდომა დაუშვა დაცვაში, ხოლო უნდა აღინიშნოს, რომ ლაინსმენმა მას კარგი სამსახური გაუწია როდესაც ამ ყველაფერს "ლესტერის" დაჯარიმება მოჰყვა, საბოლოო ჯამში ეს იყო ძალიან ძალიან მიზანდასახული თამაში ლიუკ შოუს მხრიდან. ახლა მთავარია მან გააგრძელოს წინ ყურება, ფსიქოლოგიურად ის მზად არის ამისთვის, ტაქტიკური დისციპლინის მაღალი დონეც აქვს, აქვს საკმარისი ძალა, რომ დაიცვას გუნდი და გაიტანოს მსგავსი მნიშვნელოვანი გოლები, ამიტომ ყველაფერი დამოკიდებულია მასზე. დღეს შოუმ ძალიან კარგი თამაში აჩვენა.
ჟოზე, მოთამაშეები რომლებმაც ვერ მოასწრეს ფიზიკური მზადყოფნა, მომავალ მატჩში თუ იქნებიან?არა, ვფიქრობ, რომ მომდევნო მატჩშიც ფეხბურთელების ის სია მექნება რომელიც დღეს მქონდა. ნაკლებად სავარაუდოა, რომ რომელიმე ტრავმირებული ფეხბურთელი "ბრაიტონთან" მატჩში დაბრუნდეს. მაგრამ პოლ პოგბას ამ დროისთვის ვარჯიშის 9 დღე დაუგროვდება, მარკუს რეშფორდს - 11, ფელაინის ასევე 9 - დღე, აქედან გამომდინარე ისინი იქნებიან იმაზე უკეთეს ფორმაში ვიდრე ეხლა არიან.
მთელი ჩემი კარიერის მანძილზე, ჩემთვის ფეხბურთელების ცვლილებებზე ფიქრი ასეთი ძნელი არ ყოფილა. მსურდა მქონოდა შეცვლების 5 - 6 შესაძლებლობა, თუმცა მაქვს მხოლოდ 3. ვნახე, რომ რამოდენიმე მათგანი რთულად თამაშობდა, მე ამ ყველაფერზე სწორი რეაგირება უნდა მოვახდინო. მე ვერ შევძელი ტაქტიკური ცვლილების გაკეთბა, რადგან მეშინოდა, რომ რომელიმე მათგანი ვერ შეძლებდა მატჩის ამგვარად ბოლომდე დასრულებას. მსურდა მარსიალის ბოლო 30 - წუთი მოედანზე შემოყვანა, იმისთვის, რომ მას შეტევები გაეძლიერებინა, თუმცა მოვერიდე იმისდაგამო, რომ პოლს არ შეეძლო შეხვედრის ბოლომდე ჩამთავრება და ფრედი კი ჯერ კიდევ ვერ არის ფიზიკურ მზადყოფნაში ბოლომდე. ასე, რომ ეს ყველაფერი არ იყო ადვილი, თუმცა ჩემ ფეხბურთელებმა შესანიშნავად წარმოაჩინეს თავი და კარგი მატჩი ჩაატარეს.
ზოგადად დღეს ყველა კარგი იყო - არბიტრმა კარგად იმსაჯა, ანდრე მარინერი როგორც ყოველთვის მაღალ დონეზეა, კლოდ პუიელი და მისი "ლესტერი" ასევე კარგები იყვნენ. მათ შესანიშნავი ინვესტიციები ჩადეს, ჰყავთ კარგი ფეხბურთელები, ვფიქრობ, რომ მათთვის კარგი სეზონი იქნება.
ჟოზე, ვინ მიიღო გადაწყვეტილება, იმის შესახებ, რომ პოგბას უნდა დაერტყა პენალი? რას ფიქრობთ ამის შესახებ?ვფიქრობ, რომ ეს იყო კლასიკურად შესრულებული პენალი. პოგბა ჩვენი პირველი არჩევანი იქნება. რა თქმა უნდა ჩვენ გვყავს მეორე და მესამე შემსრულებელიც იმ შემთხვევაში, თუ ვინმე თავს ვერ იგრძნობს კარგად და დამაჯერებლად. პოგბა ამ ყველაფრისთვის მზად იყო, მან ასევე დიდი დრო დაუთმო სტანდარტებს მსოფლიო ჩემპიონატის მსვლელობისას, ასეთ ტურნირზე ამ ყვლაფერს დიდი მნიშვნელობა ენიჭება. პოლი სრულიად მზადყოფნაში იყო და მიუხედავად იმისა, რომ შმეიხელი პენლების მოგერიებაში ძალიან კარგია, პოგბამ მას შანსი არ დაუტოვა.
რას ფიქრობთ, პოლ პოგბას გამორბენაზე საპენალო დარტყმის წინ?ამ ყველაფერს განსაკუთრებული მნიშვნელობა არ აქვს, მთავარი - ხარისხი და დარტყმის ინტენსივობაა. გარდა ამისა ბურთის ტრაექტორიაშმეიხელისთვის მიუწვდომელი იყო. ის დარტყმის მიმართულებას მიხვდა, მარჯვენა კუთხეში წავიდა თუმცა ბურთის აღება მას მხოლოდ მაშინ შეეძლო თუ ფრთებს გამოიყენებდა. ყველა ვარიანტში ეს შესანიშნავად შესრულებული პენალი იყო.
წყარო:
manutd.ru