გუშინ, სტარტი აიღო ინგლისის პრემიერ ლიგის 2018/19 წლის სეზონის გათამაშებამ. პირველ მატჩს "ოცნებების თეატრმა" უმასპინძლა.
"მანჩესტერ იუნაიტედი" კლოდ პუელის "ლესტერს" გაუმკლავდა და ანგარიშით 2 - 1 სძლია. "წითელ ეშმაკებმა" პირველი სამი ქულა მოიპოვეს და ცხრილის სათავეში მოექცნენ.
შეხვედრაში, პირველი გოლი სტანდარტული მდგომარეობით გავიდა. შეხვედრის საწყის წუთებშივე მთავარმა მსაჯმა "მელიების" კარში თერთმეტმეტრიანი და ნიშნა, რომელიც გოლად ჟოზე მოურინიოს გუნდის ნახევარმცველმა პოლ პოგბამ გარდასახა.
მოგვიანებით პოგბა მატჩის საუკეთესო ფეხბურთელადაც დასახელდა. გთავაზობთ პოგბას მიერ გაკეთებულ მატჩისშემდგომ მცირე კომენტარს.
"მსოფლიო ჩემპიონატი უკვე წარსულია. მე ვარ ის ადამიანი, რომელსაც უყვარს ახალი გამოწვევები. მინდა კიდევ უფრო განვვითარდე. ჩვენ ეს მატჩი უკან უნდა დავტოვოთ და გავაგრძელოთ მუშაობა! მუშაობა! მუშაობა!. ახალი ტიტულების მოგება მსურს. არ მაქვს მოპოვებული პრემიერ ლიგის ტიტული, ჩემპიონთა ლიგის თასი, არსებობს საშუალებები ამის მისაღწევად". - ციტირებს Sky Sports - პოგბას სიტყვებს.
სიახლეები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.