იმ დაძაბულობებისა და უთანხმოებების შემდეგ, რაც "მანჩესტერ იუნაიტედის" მთავარ მწვრთნელსა და ამავე გუნდის ნახევარმცველს პოლ პოგბას შორის არსებობდა, თავი თითქოს ინგლისისთვის უკვე ამჟამად დასრულებულ სატრანსფერო პერიდის დროსაც იჩინა, მაშინ როდესაც პოგბა მოურინიოს მიერ მოთხოვნილ დღეს უნდა დაბრუნებულიყო გუნდში, მან ამაზე უარი განაცხადა.
პრესის ფურცლები კი აჭრელდა ინფორმაციებით, თითქოს ფრანგი ესპანურ გრანდში "ბარსელონაში" გეგმავდა გადასვლას და მისი ტრანსფერის განხორციელებას წინ არაფერი ედგა.
დღეს გავრცელდა მოურინიოს ინტერვიუ, სადაც სპეციალისტი პოგბაზე საუბრობს. მისი ინტერვიუდან გამომდინარე შეიძლება იმის თქმა, რომ ტრანსფერების გარეშე დარჩენილი ჟოზე მოურინიო პოგბას გაშვებას არსად არ აპირებს.
"პოგბა გუნდში სამუშაოდ კარგი განწყობით დაბრუნდა. ის ძალიან კარგად მუშაობდა ბოლო დღეებში. პოლი არის იმ ფეხბურთელთა სიაში, რომელთაც უნდა გავესაუბრო, არიან თუ არა ისინი ფიზიკურად და მორალურად მზად სეზონის დასაწყებად". - განაცხადა დასასრულს მოურინიომ.