"მაჩესტერ იუნაიტედი" და ცნობილი შოტლანდიური ვისკის ბრენდი "ჩივასი" მრავალწლიანი პარტნიორები გახდნენ, იუწყება კლუბის ოფიციალური ვებ-გვერდი.

საუკეთესო ხარისხის ვისკი "ჩივასი" ხელმისაწვდომი იქნება "ოლდ ტრაფორდის" V.I.P ლოჟებში, ხოლო შოტლანდიური ბრენდის რეკლამის დემონსტრირება მოხდება მატჩების დროს, გაზონის ირგვლივ განთავსებულ ტაბლოზე.

კომპანია "ჩივასი" დაარსეს ძმებმა ჯეიმს და ჯონ ჩივასებმა, მათი პირველი მაღაზია კი გაიხსნა აბერდინში 19-ე საუკუნეში. მას შემდეგ "ჩივასი" გადაიქცა წამყვან მსოფლიო ბრენდად, რომელსაც პლანეტის ყველა კუთხეში იცნობენ.

პარტნიორობის აღსანიშნავად "ჩივასმა" მცირე ვიდეო-კლიპიც გადაიღო, სადაც ბრენდსა და "მანჩესტერ იუნაიტედს" შორის მსგავსებებზეა ხაზი გასმული. კლიპი გადაიღეს "ლოს-ანჟელესში", კლუბის ამერიკული ტურნეს მიმდინარეობისას.