ბოლო დღეების ყველაზე აქტუალური თემა, "მანჩესტერ იუნაიტედის" ფრანგი ნახევარმცველის პოლ პოგბას ირგვლივ ტრიალებს. მისი შეძენით კი ყველაზე აქტიურად ლიონელ მესის "ბარსელონაა" დაინტერესებული.
თავად ფეხბურთელის სურვილებიც ესპანეთში თამაშისკენაა მიმართული, თუმცა მსგავს აზრს არ იზიარებს "წითელი ეშმაკების" ხელმძღვანელობა. "იუნაიტედი" პოგბას გაყიდვას ნამდვილად არ გეგმავს.
The Telegraph - ის ცნობით, ედ ვუდვორდმა და მისმა კოლექტივმა, ესპანელ კოლეგებს, "ბარსელონას" ხელმძღვანელობას უკვე აცნობა, რომ პოლ პოგბა კარიერას ისევ "ოლდ ტრაფორდზე" გააგრძელებს.
თუმცა ამ შემთხვევაში ვუდვორდს, ნამდვილად მოუწევს იმ ურთიერთობის დალაგება რაც ამ მომენტისთვის პოლ პოგბასა და ჟოზე მოურინიოს შორის არსებობს.