არცთუ ისე დიდი დრო ინგლისში სატრანსფერო ფანჯრის დახურვამდე. კონკრეტულად 24 საათში და უკვე ნაკლებშიც, ინგლისელები ზაფხულის სატრანსფერო ფანჯარას დახურავენ.
Daily Mail - ის ცნობით, "მანჩესტერ იუნაიტედის" ფრანგ ნახევარმცველს პოლ პოგბას კლუბის დატოვების სურვილი ჯერ კიდევ აქვს. მეტიც, საკუთარი სურვილების შესახებ, რუსეთში გამართული მსოფლიო ჩემპიონატის ტრიუმფატორმა ფეხბურთელმა, თანაკლუბელებსა და გუნდის ვიცე პრეზიდენტს ედ ვუდვორდსაც ესაუბრა. მას "ბარსელონაში" სურს გადასვლა.
არახალია ის ფაქტი, რომ პოგბას გუნდში დარჩენა, კლუბის თავკაცის ჟოზე მოურინიოს გამო არ სურს. როგორც ჩანს, სიტუაცია მათ შორის კვლავ დაძაბული და დაულაგებელია. ნახევარმცველს "იუნაიტედთან" კონტრაქტი 2021 წლამდე აკავშირებს. ხელმძღვანელობას მისი გაყიდვა არ სურს და კატალონიური კლუბის შეთავაზება ერთხელ უკვე დაბლოკა.