" თუ ალდერვაირელდი "ტოტენჰემს" დატოვებს ის მხოლოდ ერთ გუნდს - "მანჩესტერ იუნაიტედს" შეუერთდება. ამ მომენტისთვის მხოლოდ "წითელ ეშმაკებს" შეუძლიათ ლონდონელთათვის სასურველი თანხის გადახდა, ვინაიდან არც "რეალი", არც "ბარსელონა და არც "პსჟ" ამ ეტაპზე არ არიან დაინტერესებულნი ბელგიელი მცველის შეძენით. მაგრამ ეს ადვილი არ იქნება, შემატყობინეს რომ ბოლო კვირებში ორ კლუბს შორის მოლაპარაკებები ჩიხში შევიდა".

" დენიელ ლევი ყოველთვის გამოირჩეოდა სიმკაცრით მოლაპარაკებების დროს, ედ ვუდვორდს კი უყვარს ერთდროულად რამოდენიმე "ცხენზე" ფსონის დადება, რასაც ის ამ მომენტშიც აკეთებს რამოდენიმე ცნობილ სახელთან დაკავშირებით. თუ ედი საბოლოოდ ჩამოყალიბდება ალდერვაირელდთან დაკავშირებით , სატრანსფერო ფანჯრის ბოლო დღეს ტობი "იუნაიტედის" წევრი გახდება".- განაცხადა ბელგიელმა ჟურნალისტმა "Sky Sports"-თან საუბრისას.

შეგახსენებთ რომ ბელგიელს "ტოტენჰემთან" კონტრაქტი მომავალ წელს ეწურება და შესაძლოა მან კლუბი თავისუფალი აგენტის სტატუსით დატოვოს, ამიტომ საკმაოდ დიდი ალბათობით "იუნაიტედი" ცენტრალურ მცველს სატრანსფერო ფანჯრის უკანასკნელ დღეს გაიფორმებს.