მიუნხენის "ბაიერნის" მცველმა ჯერომ ბოატენგმა პირადად დაურეკა "მანჩესტერ იუნაიტედის" მთავარ მწვრთნელ ჟოზე მოურინიოს და მის გუნდში გადასვლასთან დაკავშირებით თავისი პოზიცია გააცნო.
პორტუგალიელი მწვრთნელი იმედს არ კარგავს, რომ სატრანსფერო ფანჯრის დახურვამდე ტოპ-კლასის მცველს შეიძენს. წინა კვირას კი, როცა "იუნაიტედი" ამხანაგურ შეხვედრას მართავდა "ბაიერნთან", "წითლებმა" დრო იხელთეს და ბოატენგის თაობაზე მოლაპარაკებების გამართვა სცადეს.
გერმანული გამოცემა Bild-ი კი იტყობინება უშუალოდ ფეხბურთელის მხრიდან დაფიქსირებულ პოზიციას, რაც მისი მწვრთნელის ზეგავლენითაა გამოწვეული. "ბაიერნის" თავკაცი ნიკო კოვაჩი ბოლო მომენტში ჩაიერია სიტუაციაში და 29 წლის მცველს კლუბის გამოცვლის შესახებ ფიქრიც კი დააცადა.
ამის შემდეგ კი სამშაბათს ბოატენგმა პირადად დაურეკა მოურინიოს და აუხსნა, რომ "ოლდ ტრაფორდზე" გადასვლა არ სურს.
"იუნაიტედს" ახლა მხოლოდ ისღა დარჩენია, კვლავ დაუბრუნდეს ჰარი მაგუაიერისა და ტობი ალდერვეირელდის შეძენის საკითხს.
ახალი ამბები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.