როგორც მოგეხსენებათ, ხორვატი ფეხბურთელით მანჩესტერ “იუნაიტედი” იყო დაინტერესებული, მაგრამ კოვაჩიჩმა არჩევანი გააკეთა და სათამაშოდ “სტემფორდ ბრიჯის” გზას დაადგა. “წითლები” მატეო კოვაჩიჩით უკვე დიდი ხანია დაინტერესებული არიან, ჟოზე მოურინიოს სამიზნე სწორედ მადრიდის “რეალის” ფეხბურთელი იყო. როგორც წყარო იტყობინება, “ბლანკოსი” მატეოს ლონდონურ გრანდში იჯარის წესით გაუშვებს.
პრესის ფურცლები ასევე იუწყებიან, რომ კოვაჩიჩმა “იუნაიტედზე” უარი განაცხადა, რადგან “ეშმაკების” სათამაშო სტილი ხორვატი ნახევარმცველის სათამაშო სტილს არ შეეფერებოდა, ამიტომაც მატეომ “არისტოკრატები” არჩია.
ჟოზე მოურინიოს სამიზნე მხოლოდ ხორვატი არ ყოფილა, პორტუგალიელი ასევე დაინტერესებულია სერბი ფეხბურთელით მილინკოვიჩ-სავიჩით.
“ლაციომ” 21 წლის ახალგაზრდა საყრდენი 135 მილიონ ევროდ შეაფასა, მაგრამ "იუნაიტედმა" უნდა იჩქაროს, იმიტომ რომ 48 საათიც კი აღარ რჩება ინგლისში სატრანსფერო ფანჯრის დახურვამდე.