The Independent - დღეს ყველასთვის განსხვავებულ და საინტერესო ინფორმაციას ავრცელებს.
მოგეხსენებათ, "მანჩესტერ იუნაიტედს" ბოლო დღეებია ყველაზე აქტიურად უკავშირებენ: ტობი ალდერვეირელდის, ჰარი მაგუაიერისა და ჯერომი ბოატენგის გვარებს, ზემოხსენებული წყაროს ცნობით კი, მოურინიოს რადარზე მადრიდის "ატლეტიკოს" ურუგვაელი მცველი ხოსე ხიმენესიცაა.
ყველასთვის კარგადაა ცნობილი, რომ "წითელ ეშმაკებს" ყველაზე მეტად ალდერვეირელდის შეძენა სურთ, თუმცა მხარეები სატრანსფერო თანხაზე ვერ თანხმდებიან და გამომდინარე აქედან "წითლები" სხვადასხვა ვარიანტებსაც განიხილავენ. სატრანსფერო ფანჯრის დახურვამდე კი 48 საათზე ნაკლები რჩება.
ედ ვუდვორდი მადრიდელებს ხიმენესის შესახებ წინადადებით მიმართავს. ხოლო ამ ეტაპზე უცნობია რა სატრანსფერო ფასი ექნება ფეხბურთელს და აქვს თუ არა სურვილი ესპანურ კლუბს მისი გაყიდვის.