როგორც Sky Sports გვატყობინებს, "იუნაიტედმა", "ბარსელონას" წინადადება პოლ პოგბას ტრასფერთან დაკავშირებით დაბლოკა. კატალონიელებმა ფრანგის სანაცვლოდ "იუნაიტედს" 45 მილიონ ფუნტთან ერთად იერი მინა და ანდრე გომეშიც შესთავაზეს, თუმცა ინგლისელებისთვის ეს არასაკმარისი აღმოჩნდა.
ბოლო დღეებში გავრცელდა ინფორმაცია, თითქოს პოგბას აგენტი მინო რაიოლა მანჩესტერში "იუნაიტედის" ხელმძღვანელობასთან მოლაპარაკებების გასამართად ჩაფრინდა, თუმცა ამ მომენტისთვის მანჩესტერელებს არანაირი სურვილი აქვთ შეელიონ ფრანგ ნახევარმცველს.
მაშინაც კი თუ "იუნაიტედს" მოუნდება პოგბას გაყიდვა მიმდინარე სატრასფერო ბაზრის დროს, მათ დარჩებათ მხოლოდ ორიოდე დღე რათა მის შემცვლელად მაღალკვალიფიციური მოთამაშე მოიყვანონ. რთული წარმოსადგენია რომ "იუნაიტედის" ხელმძღვანელობამ სეზონის დაწყებამდე რამოდენიმე დღით ადრე ასე მნიშვნელოვნად შეასუსტოს შემადგენლობა.
შეგახსენებთ რომ პოგბა "იუნაიტედს" 2016 წელს - იმ დროისათვის სარეკორდო თანხის - 93,25 მილიონი ფუნტის სანაცვლოდ შეუერთდა. ფრანგი არსებული კონტრაქტის მიხედვით გუნდის განკარგულებაში კიდევ 3 წლის მანძილზე იქნება.
ახალი ამბები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.