აქსელ ტუანზებე, ახალგაზრდა ნიჭიერი ფეხბურთელი, რომლის კონტრაქტიც ჯერ კიდევ "მანჩესტერ იუნაიტედის" მფლობელობაშია, დღეს უკვე ოფიციალურად "ჩემპიონშიფში" დაბრუნდა და "ასტონ ვილას" ღირსებას კიდევ ერთხელ დაიცავს.
აშკარა იყო, რომ ტუანზებე, ჟოზე მოურინიოს "იუნაიტედში" სათამაშო დროის უქონლობას განიცდიდა, კლუბმა კი მისი არენდის წესით გაშვება კიდევ ერთხელ გადაწყვიტა.
"ასტონ ვილაში" დაბრუნებით მოხარული ვარ. ეს დიდი კლუბია და იდეალური ვარიანტია ჩემი კარიერის განვითარებისთვის. ამ კლუბში გადასვლას უყოყმანოდ დავთანხმდი. ჩვენი ამოცანა იგივე რჩება - დავბრუნდეთ პრემიერ ლიგაში". - ციტირებს ახალგაზრდა ინგლისელის სიტყვებს "ასტონ ვილას" ოფიციალური ვებ საიტი.