ჟოზე მოურინიო ღიად აცხადებს იმის შესახებ, რომ მის გუნდს გაძლიერება აუცილებლად სჭირდება. კლუბმა ფეხბურთელები უნდა დაიმატოს იმისთვის, რომ მომავალ სეზონში წარმატების მიღწევა სურს.
სატრანსფერო ფანჯრის დახურვამდე მხოლოდ 4 დღეა დარჩენილი, ხოლო პრესა "იუნაიტედისთვის" მხოლოდ ცენტრალურ მცველებზე მსჯელობს. დღეს გავრცელებული ცნობებით კი ლონდონის "ჩელსის" ბრაზილიელმა შემტევმა ვილიანმა საკუთარი მომავლის შესახებ გადაწყვეტილება უკვე მიიღო და ეს გადაწყვეტილება "იუნაიტედის" სარგებლად შეიძლება, რომ ცაითვალოს.
Daily Mail - ის ცნობით, ვილიანს მისი ამჟამინდელი კლუბის დატოვება აქვს გადაწყვეტილი. მისი შემდეგი გაჩერება კი სავარაუდოდ "ოლდ ტრაფორდი" იქნება. ფეხბურთელის შესაძენად ყველაზე აქტიურად სწორედ "წითელი ეშმაკები" მოქმედებენ. ვილიანის საკუთარ გუნდში ხილვა პირადად ჟოზე მოურინიოს ინიციატივა და სურვილია.
ბრაზილიელი გარემარბი ლონდონურ კლუბს 2013 წელს შეუერთდა. ამ ხნის განმავლობაში მან კლუბთან ერთად 4 ტიტულის მოგება შეძლო.