დღეს გავრცელებული ცნობებით, "მანჩესტერ იუნაიტედის" მენეჯმენტი აქტიურად გეგმავს სატრანსფერო ფანჯრის დახურვამდე მინიმუმ ერთი ფეხბურთელის დამატებას.
ჟოზე მოურინიოს გუნდში სტაბილური ცენტრალური მცველის მოყვანა სურს. აქტიურად განიხილება ფეხბურთელების ორი გვარი, იერი მინა და ტობი ალდერვეირელდი. როგორც ჩანს, პორტუგალიელი უპირატესობას ალდერვეირელდს ანიჭებს და სწორედ ამ უკანასკნელზე გაკეთდება აქცენტი.
რაც შეეხება იერი მინას, The Sun - ის მიერ გავრცელებული უახლესი ინფორმაციით, კოლუმბიელი "ოლდ ტრაფორდის" გეგმებში აღარ შედის. მინა ინგლისში გადასვლასთან ძალიან ახლოს იყო, თუმცა რატომ ჩაიშალა ტრანსფერი ამ ეტაპისთვის უცნობია.