თითქმის უკვე გადაწყვეტილია, რომ "მანჩესტერ იუნაიტედის" ღირსების არგენტინელი დამცველი მარკოს როხო, ახალი სეზონიდან კარიერას სხვა ევროპულ კლუბში გააგრძელებს.
როხოს მსურველები არ აკლია. ცენტრალურ მცველს, რომელსაც თამაში მარცხენა ფლანგზეც შეუძლია, პრემიერ ლიგური "ევერტონი" ეპატიჟება. მისით ასევე რუსული "ზენიტი" ინტერესდება.
დღეს გავრცელებული უახლესი ცნობით, მარკოსს ფრანგული გრანდი "პარი სენ ჟერმენი" დაუკავშირდება.
გასულ სეზონში როხომ, პრემიერ ლიგაში მხოლოდ 9 მატჩის ჩატარება შეძლო. რაც იმაზე მეტყველებს, რომ როხო მოურინიოს გეგმებში ნაკლებად ჯდება. მან ასევე რუსეთში ჩატარებულ მსოფლიო ჩემპიონატის 3 შეხვედრაში ერთი მნიშვნელოვანი გოლის გატანა შეძლო და არგენტინის ნაკრები ჯგუფიდან გაიყვანა.