არახალია ის ფაქტი, რომ მოურინიოს დაცვის ხაზის გაძლიერება სურს. მის სატრანსფერო სიაში, კოლუმბიელი იერი მინა, ბელგიელი ტობი ალდერვეირელდი და მიუნხენის "ბაიერნის" უკანახაზელი ჯერომი ბოატენგი არიან.
შესაბამისად, ფეხბურთელების სატრანსფერო ხელმისაწვდომობა შემდეგნაირია: იერი მინა შედარებით დაბალი ფასის მქონე მცველია რომელიც მოურინიოს და გუნდის ხელმძღვანელობას არ აბრკოლებს. ალდერვეირელდზე სხვა ვითარებაა, კლუბი მას სატრანსფერო ფასს უზრდის რაც "იუნაიტედს" არ მოსწონს, თუმცა ბოლოდროინდელი პრესის ფურცლებიდან გამომდინარე შესაძლოა "დეზები" კომპრომისზე წავიდნენ.
რაც შეეხება ჯერომი ბოატენგს, როგორც დღეს ირკვევა, მისი გაყიდვა გერმანული გრანდის მესვეურების დღის წესრიგში დადგა. მიუნხენელები მზად არიან მცველი პრემიერ ლიგაში 50 მილიონი ევროს სანაცვლოდ გაუშვან.
აქამდე გავრცელებული ცნობებით, ბოატენგი ფრანგული "პსჟს" რადარზეც იმყოფება. როგორც ჩანს მოურინიოს ფრანგების დამარცხება სატრანსფერო ბაზარზეც მოუწევს.