მოგეხსენებათ, მიმდინარე სატრანსფერო ფანჯრის გახსნისთანავე, "მანჩესტერ იუნაიტედის" იტალიელი მარჯვენა მცველი მატეო დარმიანი აქტიურად განიხილებოდა წამსვლელ ფხბურთელთა სიაში.
თუმცა სიტუაცია რადიკალურად შეიცვალა და მატეოს მომავალი ისევ "ოლდ ტრაფორდს" დაუკავშირდება. დარმიანმა ჟოზე მოურინიოს გუნდიდან წასვლა გადაიფიქრა და მინიმუმ ერთი სეზონი კვლავ დაიცავს "წითელი ეშმაკების" ღირსებას.
ძირითადი მოთამაშეების არყოლის გამო, ჟოზე მოურინიომ იტალიელი ფეხბურთელი პრე - სეზონის ყველა თამაშში ძირითად შემადგენლობაში გაამწესა.
მატეომ, რომელიც არ უარყოფდა იმ ფაქტს, რომ მას იტალიურ ჩემპიონატში სურდა დაბრუნება, ჟოზე მოურინიოს ეს ნაბიჯი შეაფასა ნდობის გამოცხადებად და სწორედ ამიტომ მან ჩემპიონატის გამოცვლა გადაიფიქრა, მოგეხსენებათ დარმიანს იტალიის ყველა წამყვანი კლუბი ეპატიჟებოდა.
დარმიანის აგენტმა შემდეგი განცხადებაც გააკეთა: "ნაკლებად სავარაუდოა ის ფაქტი, რომ "მანჩესტერ იუნაიტედი" და ბატონი ჟოზე მოურინიო უარს იტყვიან მატეოსთან თანამშრომლობაზე. აქედან გამომდინარე იზრდება შანსები იმისა, რომ დარმიანმა კლუბში დარჩენა გადაწყვიტოს". - განაცხადა ტულიო ტინტიმ დასასრულს.