მოგეხსენებათ, "იუნაიტედმა" მიმდინარე სატრანსფერო პერიოდში ვეტერანი გოლკიპერი, ლი გრანტი დაიმატა, რომელიც დავიდ დე ხეას და სერხიო რომეროს შემდეგ კლუბის მესამე კიპერად ითვლება, ამის გათვალისწინებით, ჟოზე მოურინიოს ჟოელის განათხოვრების შესაძლებლობა მიეცა.
"მანჩესტერ იუნაიტედი" დათანხმდა "სეტუბალის" შემოთავაზებას , რომელმაც გასულ სეზონში მე-14 ადგილი დაიკავა პორტუგალიის ჩემპიონატში.
დავამატებთ, რომ მიმდინარე იჯარა ჟოელისთვის პირველი არ არის. 2016/17 წლების სეზონში პერეირა "ბელენენსეში" ასპარეზობდა, თუმცა ახალგაზდა კიპერისთვის ეს საგანგაშო არ უნდა იყოს, რადგან ყველასათვის ცნობილია, რომ ჟოზე თანამემამულის დიდი გულშემატკივარია და არ აპირებს ჟოელის კლუბიდან გაშვებას.