ბრიტანული ტაბლოიდები კრიტიკაზე შორს მიდიან.
ზინედინ ზიდანი "მანჩესტერ იუნაიტედის" უმთავრესი სამიზნე იქნება მწვრთნელის პოზიციაზე, თუ ჟოზე მოურინიო გუნდს დატოვებს.
"განსაკუთრებულის" წინასასეზონო ტურნეს წარუმატებლობა შოკში აგდებს ფეხბურთელებსა და შტაბს - ამას კი ემატება გუნდში არსებული ცუდი ატმოსფერო, რომელიც მწვრთნელის საჯარო განცხადებებმა შექმნა.
"ოლდ ტრაფორდთან" დაახლოებული წყარო კი ირწმუნება, რომ "იუნაიტედი" უპირველესად ზიდანს მიმართავს.
46 წლის ფრანგი ლეგენდის გადაბირება კლუბს ერთი პენიც კი არ დაუჯდება, ვინაიდან ჩემპიონთა ლიგის ზედიზედ სამჯერ მოგების შემდეგ ზიზუმ "რეალი" დატოვა.
ზიდანი ისევე დგას სავარაუდო მწვრთნელთა სათავეში, როგორც მოურინიო იდგა თავის დროზე, როცა გუნდს ლუი ვან გაალი ტოვებდა.
კლუბში არსებული დაძაბული გარემოს, განუხორციელებელი ტრანსფერებისა და მწვრთნელის მიერ საჯარო კრიტიკის ფონზე ფეხბურთელებს მიაჩნიათ, რომ მოურინიო უკანასკნელ სეზონს გაატარებს "ოლდ ტრაფორდზე", ვინაიდან ვერ შეძლებს ღირებული ტიტულის მოგებას.
წყარო:
the sun