კატალონიის "ბარსელონას" კოლუმბიელმა ცენტრალურმა მცველმა იერი მინამ, საკუთარ ინსტაგრამ გვერდზე ესპანური გრანდის გამოწერა გააუქმა, რაც შეიძლება ჩაითვალოს მანიშნებლად იმისა, რომ ტანმაღალი მცველი შესაძლოა მალე სხვა კლუბში ვიხილოთ.
რომელი იქნება სხვა გუნდი? ამ კითხვაზე ასევე შესაძლოა მინას ქმედებამ გაგვცეს პასუხი. კერძოდ, ფეხბურთელმა ინგლისის 20 - გზის ჩემპიონების, "მანჩესტერ იუნაიტედის" ინსტაგრამ გვერდი გამოიწერა.
მაშ ასე, 23 წლის იერი მინა ამ ნაბიჯით, "ოლდ ტრაფორდზე" ასპარეზობის სურვილს გამოთქვამს. იერი, კატალონიელებს ამა წლის იანვარში ზამთრის სატრანსფერო ფანჯარაზე 12 მილიონი ევროს ფასად შეუერთდა. მისი კონტრაქტი კლუბთან 2023 წლამდეა გათვლილი.