"წითელი ეშმაკები" კოლუმბიელი მცველით ინტერესდებიან.
რუსეთში გამართული 2018 წლის მსოფლიო ჩემპიონატზე წარმატებული ასპარეზობის შემდეგ, კოლუმბიის ნაკრების ცენტრალური ხაზის მცველით იერი მინათი, ისეთი გრანდია დაინტერესებული როგორიც "მანჩესტერ იუნაიტედია".
ჟოზე მოურინიო, მიმდინარე სატრანსფერო ბაზარზე ცენტრალური მცველის შეძენას სერიოზულად გეგმავს, მისი მიზანი "ლესტერის" ფეხბურთელი ჰარი მაგუაიერია რომელმაც, ასევე წარმატებით იასპარეზა მუნდიალზე თუმცა, ამ კონკრეტულ ფეხბურთელზე დიდი პრობლემა შეიქმნა რადგან, "მელიებმა" მას კოლოსალური ფასი 90 მილიონი ევრო დაადეს.
ინგლისის 20 გზის ჩემპიონები ახალ გამოსავალს ეძებენ და როგორც ჩანს ეს გამოსავალი ესპანეთის ლა ლიგაში ჰპოვეს. კერძოდ, მოურინიო "ბარსელონას" კოლუმბიელ ახალგაზრდა ტანმაღალ მცველზე, იერი მინაზე ფოკუსირდა.
პრესის ფურცლებიც ცნობით, კლუბის ხელმძღვანელობა უკვე დაუკავშირდა კატალონიური გრანდის ოფისს და შეატყობინა იერი მინას თაობაზე ინტერესის შესახებ.
მეტიც, ინგლისელებმა ვალვერდეს გუნდს, დაუსახელეს ის თანხა რასაც ფეხბურთელის სანაცვლოდ გადაიხდიან. თანხა კი 40 მილიონ ევროს შეადგენს. კატალონიელებმა "მანკუნიანელებს" დრო მოსთხოვეს სიტუაციის შესაფასებლად და გადაწყვეტილების მისაღებად.
შეგახსენებთ, რომ კოლუმბიელით ასევე ინტერესდებიან პრემიერ ლიგური "ევერტონი" და ფრანგული "ლიონი".
წყარო:
sports.ru