Daily Mail-ის ინფორმაციით "იუვენტუსი" გეგმავს სესნსაციურ სვლას პოლ პოგბას იტალიაში ხელმეორედ დასაბრუნებლად.

ტურინელებმა უკვე დაამყარეს პირველად კონტაქტი ნახევარმცველის აგენტთან - მინო რაიოლასთან და შეატყობინეს, რომ განიხილავენ ყველანაირ შესაძლებლობას რათა დააბრუნონ ფრანგი იტალიაში, რომელიც ორი წლის წინ თავად გადასცეს "იუნაიტედს" სარეკორდო - 89 მლნ ფუნტის სანაცვლოდ.

ბრიტანული საინფორმაციო სააგენტოს აზრით გასაგები იქნება თუ კი "იუნაიტედი" მოისმენს იუვენტუსის შეთავაზებას, რადგან ფრანგისა და მოურინიოს ურთიერთობა ბოლო პერიოდში იდეალურისგან შორსაა. მათ შორის ურთიერთობა გასული სეზონის ბოლოსკენ დაიძაბა, როდესაც პოგბა არაერთხელ გახდა "წითელი ეშმაკების" დამრიგებლის კრიტიკის ობიექტი. გასულ კვირას კი კიდევ ერთხელ გაესვა ხაზი მათ არასახარბიელო ურთიერთობას პორტუგალიელის კომენტარით-ფრანგის მსოფლიო ჩემპიონატზე გამოსვლასთან დაკავშირებით: ნაცვლად კომპლიმენტებისა საკუთარი შეგირდის მიმართ, მწვრთნელმა განაცხადა რომ პოგბას ჯერ კიდევ აქვს გასაუმჯობესებელი თამაში, რათა "იუნაიტედის" დონეს მიუახლოვდეს.

ექსპერტთა აზრით იუვენტუსისთვის არ იქნება ფინანსურად მარტივი პორგბას ტურინში დაბრუნება, ვინაიდან ამ ზაფხულს მათ უკვე გაიღეს 85 მლნ ფუნტი კრიშტიანუ რონალდუს სანაცვლოდ, თუმცა იტალიელები მზად არიან ფრანგის სანაცვლოდ შეელიონ მირალემ პიანიჩს, გონსალო იგუაინსა და დანიელე რუგანს.

ამ დროისთვის პოლ პოგბა ლოს ანჟელესში იმყოფება, სადაც კუთვნილ არდადეგებს მსოფლიო ჩემპიონატის დასრულების შემდგომ ატარებს.