"მანჩესტერ იუნაიტედის" მთავარმა მწვრთნელმა ჟოზე მოურინიომ, ჟურნალისტებისთვის მიცემულ ინტერვიუში განაცხადა, რომ მისი გუნდის სერბი ნახევარმცველი ნემანია მატიჩი, სეზონის საწყის თამაშებს გამოტოვებს.
მისივე ცნობით, მატიჩმა ფილადელფიაში ოპერაცია ჩაიტარა. თუ რატომ დასჭირდა ნემანიას ქირურგიული ხასიათის ჩარევა, ამ ეტაპზე უცნობია.
"მატიჩი სეზონის დასაწყისს გამოტოვებს. მსოფლიო ჩემპიონატიდან ტრავმირებული დაგვიბრუნდა, ხოლო როგორც ჩანს მისი დახმარება აქამდე ვერ მოხერხდა. არ ვიცი როდის დაბრუნდება მოედანზე". - განაცხადა ჟოზემ, "ლივერპულის" წინააღმდეგ გამართული მატჩის შემდეგ პრესკონფერენციაზე.
შეგახსენებთ, რომ "მანკუნიანელებმა" მერსისაიდული კლუბის წინააღმდეგ შეხვედრა ანგარიშით 1-4 დათმეს. შემდეგ შეხვედრას "წითელ ეშმაკები", მსოფლიო საკლუბო ჩემპიონატზე 1 აგვისტოს "რეალის" წინააღმდეგ გამართავენ.