მილან ბადელის და ხოაკინ კორეას გაფორმების შემდეგ, ინძაგის მთავარი მისია სერბი ნახევარმცველის მილინკოვიჩ-სავიჩის დარჩენა არის.

”ლაციოს” ვარსკვლავს უკავშირებენ როგორც ”იუვენტუსს” ასევე ”მადრიდის რეალს” და ”მანჩესტერ იუნაიტედს”.

ყველაფრის მიუხედავად ინძაგი კვლავ ინარჩუნებს $ 116 მილიონიან ფეხბურთელს. ახალ სეზონში თუ ის დარჩა რომაულ კლუბში დიდი ალბათობით შეუწყვილდება ბადელის რომელიც ”ფიორენტინადან” დაიმატა თავისუფალი აგენტის სტატუსით.

”ლაციოს” თავკაცმა გუნდში ხოაკინ კორეაც დაიმატა რომელმაც ”ლა ლიგაში” 21 მატჩი ჩატარა და ის სულ რაღაც 16 მილიონად შეიძინა. თავიდან იყო ლაპარაკი, რომ თითქოს და ”ატალანტადან” სურდა მოყვანა ალეხანდრო გომესის, მაგრამ არ შედგა ეს ტრანსფერი.

”მე ვთხოვე ალეხანდროს მოსვლა, რადგან ჩაენაცვლებინა ფელიპე ანდერსონი, მაგრამ შემდეგ გავაანალიზეთ სიტუაცია და მივხვდით, რომ ხოაკინ კორეა უკეთესი ვარიანტი იყო. ის ფიზიკურად ძლიერი და ტექნიკასთან დაახლოებული ფეხბურთელია”.

”აგრეთვე ბადელის შეძენაც მნიშვნელოვანია ჩვენთვის. მას აქვს დიდი ენთუზიაზმი და ამიტომაც არის ერთ-ერთი საუკეთესო მის პოზიციაზე. მნიშვნელოვნად გააძლიერებს გუნდს მისი დამატება”.

”რაც შეეხება მილინკოვიჩ-სავიჩს. მის გარშემო დიდი აჟიოტაჟია ატეხილი და მისი მომავლის წარმართვა მისი გადასაწყვეტია. მე ვესაუბრე სერგეის, სურდა ჩამოსვლა და პირისპირ საუბარი, მაგრამ მე დასვენების საშუალება მივეცი”.

”ყველაფერი შეიძლება მოხდეს. ჩვენ ყველასთვის და მათ შორის სერბისთვისაც ვიბრძოლებთ” - დასძინა ”ლაციოს” დამრიგებელმა.