უახლესი წყაროების ცნობით, კატალონიელებმა €55 მილიონი შესთავაზეს "ჩელსის" , თუმცა "იუნაიტედი" არ აპირებს მოლაპარაკების მაგიდას ჩამოშორდეს.
"ბარსელონა" კარგა ხანია ცდილობს ვილიანის გადაბირებას და უკვე ორჯერ მიიღეს უარი მას შემდეგ რაც მაურისიო სარიმ დააფიქსირა რომ ბრაზილიელის შენარჩუნება უნდა.
"ბლაუგრანამ" ჯერ €50 მილიონი შესთავაზა ლონდონელებს, შემდეგ კი €53. მაგრამ "ჩელსი" €70 მილიონის ფარგლებში აპირებს განხილვას. Sky Sports-ის ცნობით, ესპანელები იმედოვნებენ რომ მესამე შეთავაზებით მოახერხებენ ვილიანის ყიდვას, რადგან ამ ორ მხარეს შორის მოლაპარაკებები ნამდვილად მიმდინარეობს.
Sport Witness-ის ინფორმაციით, ჟოზე მოურინიო მზადაა 29 წლის შემტევში €60 მილიონი გაიღოს, მაგრამ აღსანიშნავია რომ ლონდონელებს უშუალო კონკურენტის გაძლიერება არ სურთ.
არცერთი წყაროთი არაა ცნობილი ოფიციალურია თუ არა "ოლდ ტრაფორდელთა" წინადადება, მაგრამ ვილიანისადმი მათი ინტერესი დიდი ხანია არსებობს.