მრავალი წყარო იუწყება რომ "წითელ ეშმაკებს" დენი როუზის ან ალექს სანდროს შეძენა სურთ. ასეთ შემთხვევაში ლუკ შოუს სასტარტოში მოხვედრის არავითარი შანსი აღარ ექნება.
თუმცა თავად შოუ სხვა აზრზე დგას. მას უნდა მოურინიოს და "იუნაიტედს" დაუმტკიცოს რომ მრავალი წელი შეუძლია გუნდში ნომერ პირველი მარცხენა მცველი იყოს.
ამჟამად შოუ პრე-სეზონზე იმყოფება ამერიკაში კლუბთან ერთად, სადაც მან განაცხადა: "მინდა დავუმტკიცო მწვრთნელს რომ შემიძლია მის გუნდში ვიყო. როცა ყველა დაბრუნდება მუნდიალიდან მსურს კვლავ სასტარტოში ვიყო. დროა მოურინიოს ვაჩვენო რომ მე ძირითადის მოთამაშე ვარ".
შოუ იმედოვნებს რომ პორტუგალიელი სპეციალისტი სატრანსფერო ფანჯრის დახურვამდე არც მას გაყიდის და არც ახალ მარცხენა მცველს მოიყვანს. ის ჯერ კიდევ ახალგაზრდაა და ალბათ კიდევ ერთ შანს იმსახურებს.