დასრულდა მსოფლიო ჩემპიონატი. "მანჩესტერ იუნაიტედის" ფრანგ ნახევარმცველს პოლ პოგბას კი საკუთარი მომავლის გადასაწყვეტად მეტი დრო ექნება. კლუბს ფეხბურთელის შენარჩუნება სურს, თუმცა ასე არ ფიქრობს თავად ფეხბურთელი.

იტალიური გამოცემა Tuttosport - ის მტკიცებით, პოლ პოგბამ გადაწყვეტილება უკვე მიიღო. ხოლო ამ გადაწყვეტილების თანახმად, მას ტურინის "იუვენტუსში" დაბრუნება აქვს გადაწყვეტილი.

ზემოხსენებული წყაროს თანახმად, პოგბას, "წითელი ეშმაკების" ამჟამინდელ თავკაცთან ჟოზე მოურინიოსთან მუშაობა აღარ სურს. მოგეხსენებათ, სპეციალისტსა და პოლის დაპირისპირების შესახებ გასულ სეზონში აქტიურად იწერებოდა.

მსოფლიო ჩემპიონმა საკუთარ აგენტს, მინო რაიოლას ტრანსფერზე მუშაობა უკვე სთხოვა. ფრანგი, "იუნაიტედს" 2016 წელს 105 მილიონი ევროს სანაცვლოდ შეუერთდა.


წყარო: footballhd.ru