იწყება წინასასეზონო ტურნე. "მანჩესტერ იუნაიტედი" უკვე გაემგზავრა ამერიკის შეერთებულ შტატებში, სადაც პრე სეზონის თამაშებს ჩაატარებს. გუნდთან ერთად არ იმყოფება ალექსის სანჩესი, რომელსაც იძულებით მოუწია დარჩენა.
BBC Sport - ის ცნობით, ალექსისი წინასასეზონო ტურნის დასაწყისს გამოტოვებს. მიზეზად კი ამერიკის ვიზასთან დაკავშირებული პრობლემა დასახელდა.
პრობლემის არსი კი შემდეგში მდგლომარეობს: სანჩესს, ესპანურმა საგადასახადო ორგანოებმა, ამა წლის თებერვალში ბრალი გადასახადების დამალვაში დასდეს, ხოლო ამერიკის კანონმდებლობის მიხედვით, მსგავსი დარღვევით პირის შესვლა მათ ტერიტორიაზე კატეგორიულად იკრძალება.
ამ პრობლემასთან დაკავშირებით, სანჩესი და მისი ადვოკატი აქტიურად მუშაობდნენ, თუმცა როგორც ჩანს პრობლემის მოგვარებას უფრო დიდი დრო დასჭირდება ვიდრე ეს მოსალოდნელი იყო.