"იუნაიტედის" ნახევარმცველი პოლ პოგბა, როგორც ჩანს გუნდის შეცვლაზე სერიოზულად ფიქრობს. ამაზე მის შესახებ გავრცელებული უწყვეტი ჭორები მეტყველებს.
ფეხბურთელის აგენტს მინო რაიოლას, ესპანურ გრანდთან მოლაპარაკებები უკვე დაწყებული აქვს. თავად კატალონიელების ინტერესი პოლის მიმართ ძალიან დიდია.
Mundo Deportivo-ის ცნობით, აგენტი უკვე ესპანეთში იმყოფება. მთავარი თემა, რა თქმა უნდა, პოგბას "ბარსელონაში" გადასვლის საკითხი იქნება. "კამპ ნოუ" სერიოზულად განიხილავს ამ შესაძლო ტრანსფერს.
როგორც ჩანს, ჟოზე მოურინიოსა და პოლ პოგბას შორის დაწყებული მცირე კონფლიქტი, დღემდე მოუშუშებელ იარად რჩება ფრანგს. შეგახსენებთ, რომ პოლს მთავარი მწვრთნელის სათამაშო სქემა არ მოსწონდა, რის შემდეგაც ეს ფართო მედიისთვისაც ცნობილი გახდა.
საფრანგეთის ნაკრების ერთ-ერთი ლიდერი "მანჩესტერ იუნაიტედს" 2016 წელს ტურინის "იუვენტუსიდან" შეუერთდა.